Милитантите од екстремистички групи ја гранатираа денеска периферијата на градот Џебла во провинцијата Латакија во Сирија, објави новинската агенција САНА.
Еден Сириец бил убиен, а четворица други биле повредени кога експлодирала минофрлачка граната во близина на Бакдарма.
Гранатирањето од повеќе ракетни системи го извеле вооружени групи со седиште во близина на Турција, во зоната на деескалација, северозападно од провинцијата Идлиб.
Според извештајот, сириските сили возвратиле на оганот со кој било прекршено примирјето, уништувајќи неколку минофрлачи.
Неделава милитантните групи неколку пати ги гранатираа мирните населби заштитени од владината армија во северозападна Сирија. Терористите од Џебхат ал Нусра влегле во Сирија преку турската граница и освоиле неколку населби во планинските области на север и североисточно од Латакија.
Милитантите на Туркистанската исламистичка партија, која се состои од платеници од Ујгурите (турски народ кој живее во автономниот регион Сјинџијанг во северозападна Кина) и голем број други екстремистички групи, се борат заедно со групата Џебхат ал-Нусра.
САНА објави дека турските власти обезбедуваат воена и логистичка и финансиска поддршка за платениците.
