Судирите на фудбалски натпревар во Гвинеја резултираа со десетици мртви, јавуваат болнички извори од африканската држава. Сцените на масакрот вклучуваат преполни мртовечници и ходници. Неофицијални видеа покажуваат хаос, а гневните толпи подоцна палат полициска станица. Властите допрва треба да ја потврдат бројката загинати.
Инцидентот почна меѓу навивачи на фудбалски натпревар во Н’Зерекоре, вториот по големина град во Гвинеја.
-Се започна со спорна одлука на судијата. Потоа навивачите го нападнаа теренот, изјави сведок за „Франс прес“, барајќи неговото име да не се објавува од безбедносни причини.
⚠️🔞 WARNING: GRAPHIC 18+ 🔞⚠️
❗️🇬🇳 – At least 100 people lost their lives in violent clashes between rival fans during a football match in N'zerekore, Guinea.
This tragic event, which occurred at the end of a game, resulted in hundreds of fatalities. Medical sources confirmed… pic.twitter.com/xV3COoViUE
— 🔥🗞The Informant (@theinformant_x) December 2, 2024
Локалните медиуми соопштија дека натпреварот бил дел од турнирот организиран во чест на водачот на хунтата во Гвинеја, Мамади Думбуја, кој ја презеде власта со државен удар во 2021 година и се постави себеси како претседател.
На видеата кои се појавија на социјалните мрежи се гледаат безживотни тела на асфалтот.
Се стравува дека бројката на настрадани може да достигне 100.
Видеата и сликите на социјалните мрежи покажуваат хаотични сцени надвор од стадионот, со големи групи луѓе кои се обидуваат да се искачат преку ѕидови и бројни тела на земја. Би-би-си не можеше самостојно да ги потврди овие видеа.
