Илјадници Чеси се собраа денеска во Прага на најголемите антивладини демонстрации од 2019 година, незадоволни поради намалувањето на воените трошоци под водство на премиерот Андреј Бабиш и стравувајќи дека неговата администрација ќе преземе мерки против медиумите.
Демонстрантите кои носеа чешки знамиња и знамиња на Европската Унија почнаа да пристигнуваат неколку часа пред почетокот на митингот на платото Летна во Прага, а организаторите проценуваат дека околу 250.000 луѓе излегле на демонстрациите.
„Тука сум затоа што ми е грижа за иднината на мојата земја. Ме вознемирува тоа што сегашната влада се обидува да манипулира со слободните и независни медиуми, а слободата и демократијата се најважните работи“, рече еден демонстрант.
Сегашниот чешки премиер Андреј Бабиш, кој изгради бизнис империја во прехранбениот, хемискиот и земјоделскиот сектор, беше на чело на чешката влада од 2017 до 2021 година, враќајќи се на власт во декември 2025 година и формирајќи коалициска влада со десничарски и крајно десничарски партии.
„Не сакаме да бидеме како Унгарија, не сакаме да го следиме патот на Словачка. Затоа е време да се разбудиме“, рече еден демонстрант.
