Медведев објави порака на социјалните мрежи, тврдејќи дека Русија има право на „симетричен одговор“. Пораката ја објави откако руската Служба за надворешно разузнавање (SVR) тврдеше дека Велика Британија и Франција наводно работат на обезбедување нуклеарно оружје и системи за испорака на Украина,
Тој рече дека информациите на SVR за намерата на Франција и Велика Британија да префрлат нуклеарни технологии на она што тој го нарече „киевски нацистички режим“ „радикално ја менуваат ситуацијата“, бидејќи тоа би бил „директен трансфер на нуклеарно оружје во земја во војна“.
„Нема никакво сомнение дека ако настаните се развијат вака, Русија ќе мора да употреби какво било оружје, вклучително и нестратешко нуклеарно оружје, против цели во Украина што претставуваат закана за нашата земја. И, доколку е потребно, против земјите добавувачи, кои стануваат соучесници во нуклеарен конфликт со Русија“.
Украинскиот центар за сузбивање на дезинформации сè уште не ја коментираше изјавата на Медведев.
Еден ден претходно, Медведев упати уште една закана. Откако на 23 февруари, во пресрет на состанокот на Советот на ЕУ за надворешни работи во Брисел, шефицата на дипломатијата на Европската Унија, Каја Калас, изјави дека блокот работи на ограничување на влезот на поранешни руски војници во Шенген зоната, Медведев објави навредлива порака до неа на X, објави Независне новине.
