По присуството на Пролетниот фестивал во Штутгарт, 430 луѓе се заразиле со норовирус. Портпаролот на градското собрание Свен Матис (44) изјави дека во моментов има 430 заразени лица, кои изјавиле дека во саботата навечер биле во шаторот за пиво Гекелсмајер, а во неделата биле уште 30, пренесе Билд.
На церемонијата на отворањето на Пролетниот фестивал во саботата попладне, вирусот очигледно не бил присутен во шаторот, со што се отфрлаат гласините дека активистите за правата на животните ПЕТА, наводно, го шират вирусот.
Матис рече дека претпоставувал дека посетата на пролетниот фестивал е безопасна, но ги советувал посетителите на пивските шатори да ги мијат рацете пред јадење и во тоалетот. Одделот за здравство и ветеринарната управа во Штутгарт напорно работат на пронаоѓање на причината.
Се проверуваше хигиената и земени се мостри од храна, објасни Матис. Првите примероци моментално се проценуваат во лабораторија. Водителот на фестивалот Карл Мајер (56) наведува дека нема индиции оти вирусот го вовеле вработени. Тој наведува дека е можно гостите да го донеле вирусот и да заразиле други гости.
Пролетниот фестивал во Штутгарт трае до 12 мај. Организаторите очекуваат над милион посетители од целиот Баден-Виртемберг и пошироко.
