Агенцијата за животна средина на Словенија издаде портокалово предупредување за југозападниот и централниот дел на Словенија поради силниот ветер. Портокалово предупредување е издадено за јужниот дел од земјава поради снежни услови. Температурите паднаа и за повеќе од 10 Целзиусови степени.
„Во појасот од Горењска до Корушка се очекуваат врнежи од 30 до 60 милиметри. На повисоките места над околу 800 метри може да наврнат околу 20 сантиметри снег“, соопшти Агенцијата за животна средина на Република Словенија.
Снегот веќе ги побеле Љубељ, Коренско седло и Роглу. Сообраќајниот информативен центар предупредува дека зимската опрема е задолжителна и по 15 март во случај на снег на коловозот.
Снег веќе паѓа во Штаерска, на надморска височина под 500 метри, а невремето ја зафати и Корушка.
Попладнево и навечер можна е многу силна бура во Приморје, која ќе надмине сто километри на час, а привремено засилен североисточен ветер ќе дува и на други места во Словенија.
