Повеќе од два милиони животни угинаа оваа зима во Монголија бидејќи земјата се соочува со екстремен студ и снег, изјави владин претставник.
Екстремно ниските температури од декември до март не се новина во источноазиската земја, каде во некои области можат да паднат и до -50 степени Целзиусови. Но, оваа зима беше поостра од вообичаеното, со температури пониски од нормалното и многу обилен снег, се вели во неодамнешниот извештај на ОН.
Гантулга Батсаихан од Министерството за земјоделство на Монголија изјави дека до понеделник 2,1 милион говеда угинале од глад и исцрпеност. Монголија имала 64,7 милиони такви животни на крајот на 2023 година, вклучувајќи овци, кози, коњи и крави, според официјалната статистика. Овие екстремни временски услови, кои во Монголија се нарекуваат „зуд“, обично доведуваат до смрт на огромен број домашни животни. ОН објавија дека климатските промени ја зголемуваат зачестеноста и интензитетот на зудови.
„Снегот се претвори во мраз“
Монголија се соочи со шест суши во изминатата деценија, вклучително и зимата 2022/2023 година. кога угинале 4,4 милиони говеда. Годинешниот глад беше влошен и од летната суша, која ги спречи животните да создадат резерви на масно ткиво што ќе им помогне да ја преживеат суровата зима.
Седумдесет проценти од Монголија се соочува со „зуд“ или слични временски услови. Во истиот период лани таа бројка изнесуваше 17 проценти.
