Независниот полициски синдикат денеска побара од техничкиот премиер Талат Џафери политиката и политичките кампањи да се водат надвор од институциите, а работниците да не се злоупотребуваат за политички цели. Синдикатот се огласи со оваа реакција по вчерашната ненајавена посета на Џафери на СВР Тетово, каде неовластено упаднал и неовластено снимал вработени кои ги извршуваа своите работни задачи и им се обраќал со повисок тон.
Од Синдикатот бараат министерот и дополнителниот заменик министер за внатрешни работи да застанат во одбрана на работниците. -Да реагираат и да ги спречат притисоците врз вработените, како би ги покажале на дело декларативните заложби на кои укажаа уште првиот ден од техничката Влада, рече Гоце Делчев, претседателот на Синдикатот.
