Бројот на загинати во шумските пожари што беснеат низ централниот дел на Чиле се искачи на 122, а спасувачките тимови изјавија дека сè уште наоѓаат тела затрупани во урнатините три дена по почетокот на катастрофата.
Бројот на жртвите од најголемата природна катастрофа во Чиле во последните години се очекува да се зголеми бидејќи жителите, пожарникарите и војската брзаат да ги расчистат урнатините во станбените области на крајбрежните градови Валпараисо и Вина Дел Мар, каде пламените јазици ги зафатија домовите за неколку минути.
„Ова е како воена зона, како бомба да експлодира“, рече Жаклин Атенас (63), која во петокот побегна од својот дом во градот Вина дел Мар Вила Индепенденсија и денес се врати во остатоците од нејзиниот дом со само мало розев ранец, единственото нешто што можеше да го спаси.
„Гореше како некој да ја полил куќата со бензин. Не разбирам што се случи… Имаше многу ветер што ги тераше големите огнени наноси. Луис Пара, жител на истата улица, вели дека едвај успеал да побегне со сопругата и внуците. Кога видел дека искрите стигнале до неговата куќа, снемало струја и не можеле да ја отворат влезната врата за да избегаат со автомобил.
Успеале да скокнат во возилото на нивниот пријател и да избегаат, но не и неговата сестра и слепиот татко, кои починале. Нивните тела биле пронајдени во близина на нивниот дом. „Не можевме да замислиме дека ова некогаш ќе се случи“, вели Пара.
Во Чиле започна официјална дводневна жалост. Стотици луѓе се уште се водат како исчезнати, а околу 14.000 домови се оштетени, велат властите.
Чилеанскиот заменик-министер за внатрешни работи Мануел Монсалве во неделата изјави дека 165 пожари се уште се активни, наспроти 154 во саботата. Во најтешко погодените региони е воведен полициски час, а армијата е испратена да им помогне на пожарникарите да го спречат ширењето. Монсалве изрази надеж дека малку пониските температури и облачноста може да им помогнат на властите во гаснењето на пожарите во наредните денови.
