Шпанскиот мотоциклист Карлес Фалкон (45) починал од повредите здобиени по несреќа на втората етапа на рели маратонот Дакар, се наведува на Фејсбук страницата на тимот на Твинтреил Рејсинг.
На 8 јануари, Фалкон падна од својот мотоцикл на крајот на втората етапа и се здоби со повреда на главата. По укажаната прва помош, Фалкон бил однесен во болница каде му бил констатиран церебрален едем, кој предизвикал кома, како и фрактура на ‘рбетот, пет ребра, клучна коска и лев зглоб.
„Во понеделникот, на 15 јануари, Карлес не напушти. Лекарите потврдија дека невролошката штета предизвикана од срцевиот удар во моментот на несреќата е неповратна. Карлес беше насмеана личност, секогаш активна, која страсно уживаше во се што правеше, особено во мотори. Не остави да направиме нешто што беше негов сон, да учествуваме на Дакар. Уживаше и беше среќен на својот мотор. Мораме да го паметиме по неговата насмевка и среќата што им ја донесе на сите“, се вели во соопштението на тимот.
Каталонецот, кој по вторпат учествуваше на Дакар, Фалкон падна и беше тешко повреден за време на втората етапа од релито во недела, 7 јануари, на неколку километри од крајот на специјалната фаза од Ал Хенакија до Ал Дувадими, Известува порталот за моторспорт.
