Турската полиција во координирана акција во 11 градови уапси 56 лица барани од Интерпол поради тешки кривични дела.
„Уапсените имаат криминални досиеја, вклучително членство во криминална организација, трговија со дрога, перење пари, напад, фалсификување, грабеж, измама, трговија со луѓе, убиство, проституција, кражба, шверц, поткуп, корупција и фалсификување“, рече министерот за внатрешни работи на Турција, Али Јерликаја.
Според него, Интерпол распишал потерници во 18 земји за овие лица кои биле уапсени во координирана акција на турската полиција со коден назив Операција Кејџ-28.
