Украинскиот ТВ водител Алексеј Печи одлучи да не се враќа во Украина по неговото патување во Брисел, каде што известуваше од самитот на Европската унија.
„Печи беше акредитиран да го следи самитот на ЕУ што се одржа на 14 и 15 декември. Украинскиот новинар и поранешен водител на Канал 24 не се врати во Украина по завршувањето на настанот“, се вели во соопштението на ТВ каналот, а пренесе украинскиот весник Страна.
Генералниот директор на украинскиот ТВ канал Роман Андрејко изјави дека е шокиран од тоа што го направил Печи.
Сепак, според весникот Страна, новинарот го опишал неговиот потег како тежок и објаснил дека ставовите кон Украина се менуваат на Запад, поради што тој ја донел одлуката да остане во Европската унија за да „придонесе“ за промоција на „украинската агенда“ во медиумите.
