Управата за Финансиска полиција в понеделник ќе го „чешла“ Град Скопје и ќе проверува колку пари и на каков начин се потрошени од градскиот буџет за новогодишното украсување на градот.
Градоначалничката Данела Арсовска претходно кажа дека за украсувањето од буџетот на Градот се потрошени 30.000 евра, но досега никаде нема објавено тендер, ниту јавен повик.
Украсувањето на градот, особено на градскиот плоштад предизвика бројни негодувања кај граѓаните, а медиумите од соседството објавија и прилози со кои се потсмеваат со новогодишните декорации.
