На изборите за Претставничкиот дом во Холандија најмногу гласови освои десничарската Партија на слободата (ПВВ) предводена од Герт Вилдерс.
Новоизбраниот премиер претходно изјави дека откако ќе дојде на власт ќе го забрани Куранот, одлука која е привремено стопирана. Хабиб ел Кадури, водач на организација што ги претставува холандските Мароканци, рече дека вознемиреноста и стравот се огромни во неговата заедница, која сочинува пет отсто од населението во Холандија.
Токму поради оваа причина, многу муслимани во Холандија почнаа да се фотографираат и да се снимаат, како веќе ги пакуваат куферите и ја напуштаат земјата, сега кога Вилдерс е избран за премиер. Овие фотографии се проширија на социјалните мрежи каде стануваат вирални.
Многу муслимани во препознатлива облека објавуваат фотографии на кои се со куфер во рака, гледајќи го новиот премиер на телевизија.
„Холандија е во сигурни раце, новиот премиер е целосно десничар и најмрачниот кошмар на муслиманите“, се вели на една фотографија.
„Герт Вилдерс победи, се враќам во мојата земја“, иронично вели друг муслиман, сликан со куфер во рака.
