Претседателот на Владата на Република Северна Македонија, Димитар Ковачевски, денеска учествува на вториот меѓународен саем за вино, храна и туризам „Винска визија на Отворен Балкан”. Во рамки на делегацијата која ја предводи премиерот Ковачевски, учествуваат и министерот за земјоделство, шумарство и водостопанство Љупчо Николовски, како и министерот за транспорт и врски Благој Бочварски.
На официјалното отворање на Саемот, предвидено е обраќање на премиерот Ковачевски. Обраќањето кое е предвидено во 17:00 часот, можете да го проследите во живо на следните линкови:
На годинешниот саем се очекува присуство од над 600 изложувачи од бројни винарии, дестилерии, гастрономски компании од повеќе од 28 земји, што претставува одлична можност за воспоставување деловни релации, размена на идеи и ставови за винската индустрија пред сѐ.
На вториот меѓународен саем за вино, храна и туризам „Винска визија на Отворен Балкан” излагаат над 70 винарии и дестилерии од Северна Македонија.
