Според Вол Стрит Џурнал, Џенифер Лопез ја продала својата куќа во Бел Ер за нешто помалку од 34 милиони долари. Имотот се простира на осум хектари, а површината на главната куќа е 1000 квадратни метри. Имотот беше пуштен на пазарот за 42,5 милиони долари, речиси шест месеци откако Џенифер го прослави бракот со Бен Афлек.
Агенцијата за недвижности Carolwood Estate на јавноста ѝ даде поглед на домот на пејачката во видео објавено на YouTube. Видеото ги прикажува многуте погодности на имотот, вклучувајќи шик библиотека и дневна соба, приватно домашно кино со 30 седишта и куќа за гости што може да се користи како теретана или студио. Главната куќа се состои од девет спални соби и 13 бањи.
Исто така, на имотот е уште една посебна куќа за гости со голем терен со амфитеатар со 100 седишта, камин, павилјон за забава, приватно езеро со песочна плажа и туш на отворено.
Лопез ја купи куќата во 2016 година за 28 милиони долари.
По бракот со Афлек тие купи имот во Беверли Хилс, за кој платиа 60 милиони долари. Нивниот нов дом има 12 спални соби, 24 бањи и 15 камини.
Бен Афлек и Џенифер Лопез првично ја започнаа својата врска во 2002 година кога се запознаа на снимањето на филмот „Џигли“, а истата година се верија, а потоа ја одложија венчавката во септември 2003. Официјално се разделија во 2004 година. Тие и дадоа втора шанса на љубовта и ја обновија врската во 2021 година на 52-от роденден на Џенифер. Тие се вериле во април 2022 година, еден месец подоцна размениле завети, прво во Лас Вегас, а потоа и во куќата на Бен во американската држава Џорџија.
