Силното невреме што вчера зафати делови на Скопје зад себе остави големи штети на приватни, но и на јавни објекти.
Но и покрај јавните објави дека штетите веднаш се расчистуваат фотографии испратени до нашава редакција утрово покажуваат дека тоа и не е баш така.
Фотографиите покажуваат дека дворот и објектот на детска градинка во скопската општина Гази Баба како да се дел од хорор филм, паднати дрвја, оштетен покрив, откорнати бехатон плочки, сериозно ја загрозуваат безбедноста на дечињата и воспитниот кадар во градинката.
Родители кои ги испратија фотографиите се револтирани на локалната власт која иако информирана, не презела ништо за санација на штетите и обезбедување сигурни услови за децата.
