Карлос Алкарас е вториот учесник во полуфиналето на Ролан Гарос откако 20-годишниот Шпанец закажа дуел со Новак Ѓоковиќ декласирајќи го Стефанос Циципас, 5. тенисер во светот со 6: 2, 6:1, 7:6(5) – иако можеше да го заврши овој натпревар половина час порано, кога стигна до првите меч топки.
Ако го исклучиме фактот дека малку се занесе против Тар Даниел и загуби сет (по што ги доби следните два со само три загубени гема), Шпанецот делува незапирливо.
Не затоа што го победи 32. играч во светот Денис Шаповалов со само седум загубени гемови или затоа што потоа му препушти само седум гема во осминафиналето на 18. на АТП листата, Лоренцо Музети.
Брзината со која стигнува до навидум недостижни топки, мајсторство и од основната линија и од мрежата, удрите „од зглоб“ што многумина не можат да го изведат со таква леснотија како него, упорноста и неверојатна „глад“ при секоја размена на удари – сомлеа уште една пречка на патот.
Стефанос Циципас, кој играше во финалето на два различни грен слем турнири, вклучувајќи го и овогодинешниот на Австралија опен, кој беше запрен еднаш во полуфиналето и еднаш во финалето на Ролан Гарос, понекогаш изгледаше толку слабо како што би изгледал почетник против најдобрите во светот.
На крајот на краиштата, тој стигна до првата брејк топка откако неговиот ривал имаше меч топки! За волја на вистината, Гркот и досега никогаш не се прославил против четири години помладиот Шпанец, се до овој дуел ги загуби сите четири претходни, но никогаш толку убедливо. Ниту блиску.
