Велосипедист попладнево е прегазен на пешачки премин во близина на Рампа во Кисела Вода.
Според првичните информации, возило „мазада“, со скопски регистерски ознаки, удрило во велосипедистот, кој ја поминувал улицата.
Станува збор за 62-годишен маж кој заработил телесни повреди.
Очевидци тврдат дека со возило на итната помош велосипедистот и возачот на автомобилот се пренесени во болница.
„Маздата“ е со целосно искршена шофершајбна, што укажува дека ударот бил силен.
