Огромна тага владее во Пожега и околината поради смртта на младиот војник Јаков Бочкај. Тој бил брутално претепан ноќта од петокот кон саботата од неговиот пријател М.К. (20). Според медиумите, тие биле на заедничко ноќно излегување.
Се уште нема информации кои се причините поради кои М.К. дивјачки го нападнал пријателот Јаков со кој пораснал и играл фудбал. Но се знае дека го тепал додека Јаков не се онесвестил. Министерството за одбрана вчера соопшти дека нивниот припадник бил пронајден во бессознание околу 02:25 часот на главниот плоштад во Пожега.
Полицијата денеска ги соопшти деталите за тепањето. Тие изјавиле дека по кратка вербална расправија, 20-годишникот физички го нападнал 21-годишниот удирајќи го неколку пати во пределот на главата. „Од ударите 21-годишникот паднал на подот, а тој продолжил да го удира уште неколку пати и го напуштил местото на настанот. Повредениот 21-годишник бил пренесен во Општа жупаниска болница во Пожега, каде што почина во неделата на 16 април од здобиените повреди“, соопшти полицијата.
М.К. нешто по 14 часот е спроведен на распит во Жупаниското државно правобранителство во Славонски Брод. На распит бил донесен од двајца полициски службеници од итната помош, а рацете му биле врзани со лисици. Тој влегол во просториите на жупаниското државно правобранителство со качулка на главата.
Во меѓувреме од убиениот Јаков се простуваат пријатели, познаници, фудбалскиот клуб во кој настапувал, клубот од каде што стартувал..
„Нашиот пријател и соиграч Јаков Бочкај не напушти прерано утрово на 21 година. Тешко е да се поверува дека повеќе нема да го носиме дресот и копачките заедно, да играме со него и да се дружиме заедно. Јаков остави белег на теренот и во нашите срца беше добар пријател, играч, сожител, секогаш насмеан и поддржувач на сите играчи. Изразуваме искрено сочувство до семејството, роднините и пријателите и даваме секаква можна поддршка. Почивај во мир Јаков!“ објави НК Еминовци на својата Фејсбук страница. Во тој клуб играше младиот војник. Под објавата бројни пријатели и мештани оставија пораки со сочувство до семејството.
Се огласи и клубот каде што стартуваше.
„Јаков, почивај во мир Божји. Голема трагедија и тага ја погоди Пожега. На 21-годишна возраст почина Јаков Бочкај, играч на Нк Еминовци и наш поранешен јуниор кој го носеше клупскиот дрес од 2015-2018 година.
„Бочо“ во петокот го одработи последниот тренинг со соиграчите и за жал не напушти засекогаш.
Искрено сочувство до семејството и пријателите“, соопшти НК Славонија.
