Кремљ започна „офанзива на шарм“ меѓу помладите функционери во обид да го зајакне моралот додека товарот на војната станува се поголем, пишува „Дејли мејл“.
Администрацијата на рускиот претседател побара од регионалните вицегувернери да инсталираат автомати, да понудат бесплатен паркинг во градовите и повластени банкарски заеми, како и да обезбедат здравствено осигурување за државните службеници, пишува независниот руски медиум Верстка.
Драстичните и очајни мерки, како што е инсталирањето автомати со чоколади и чипс најверојатно се дизајнирани за да обезбедат молк за товарот што им е наметнат на регионалните ентитети, но тие веројатно нема да стимулираат значително зголемување на поддршката за војната ниту на регионално и ниту на локално ниво“, велат воените аналитичари од Институтот за проучување на војната (ISW).
„Кремљ веројатно ќе има зголемени проблеми со одржувањето на лојалноста меѓу регионалните власти на пониско ниво, истовремено наметнувајќи го товарот на финансирањето на војната на руските федерални ентитети“, додаде ISW.
Од 21 април, програмата за привилегии ќе ги прошири стипендиите и семинарите за обука за општинските работници за да ги поддржи во време на раст на цените и други негативни последици од војната.
За време на минатонеделниот состанок во Сенеж, во близина на Москва, на замениците гувернери им беше наложено да организираат „иницијативни групи“ за да ги дознаат потребите на локалните функционери преку прашалници и анкети.
Претходно имаше извештаи дека Русија го ставила товарот на регионалните власти да ја мобилизираат и финансираат војната.
Последниот бран на незадоволство беше предизвикан од, како што тврдат западните официјални лица, Путин го разреши рускиот командант кој предводеше неколку неуспешни напади во источна Украина во кои загинаа илјадници луѓе, генерал Рустам Мурадов, објави весникот Данас.
