Досегашниот шеф на државата и кандидат на ДПС, Мило Ѓукановиќ и Јаков Милатовиќ, кандидат на Движењето „Европа сега“, освоија најмногу гласови на претседателските избори во Црна Гора и ќе се соочат во вториот изборен круг што ќе се одржи на 2 април.
Според првичните резултати соопштени во Подгорица, Ѓукановиќ освоил 35,3 отсто од гласовите, а Јаков Милатовиќ 28,9 отсто. Андрија Мандиќ од Демократски фронт е трет со 19 отсто, за Алекса Бечиќ од Демократска Црна Гора гласале 11,3 отсто. Во вториот круг одат двајцата кандидати кои освоиле најголем број гласови. еве кратка анализа на состојбата во Црна Гора..
Иако претседателството е главно церемонијално во Црна Гора, гласањето се смета за клучен показател за расположението на народот пред парламентарните избори закажани за 11 јуни. Ѓукановиќ ги прикажа претседателските избори како избор помеѓу независна Црна Гора и земја контролирана од соседните Србија и Русија.
