Шефот на судиите во Премиер лигата Хауард Веб свикал итен состанок на кој ќе се соберат сите официјални лица, вклучени во менаџирањето на натпреварите во англиската елита. Веб го свика состанокот поради две големи индивидуални грешки кои се случија минатиот викенд. Грешкуте на судиите директно влијаеа на конечните резултати на тие натпревари.
Во првиот од нив, судијата Ли Мејсон, кој беше во ВАР собата на натпреварот на Арсенал- Брентфорд, заборави да ги повлече линиите за да утврди дали има офсајд пред израмнувачкиот гол на Брентфорд.
Повторената снимка покажа дека Кристијан Норгор беше во офсајд пред да му асистира на Ајван Тони за голот. Непосредно пред тоа, во офсајд беше и Итан Пинок.
На натпреварот помеѓу Кристал Палас и Брајтон, голот на гостите беше поништен откако видео помошниот судија повлече погрешна линија за офсајд, користејќи погрешен дефанзивец како почетна точка.
Според „Дејли мејл“, средбата ќе се одржи утре, а присуството е задолжително за сите судии. Весникот тврди дека двајцата судии да добијат доста сериозни казни.
Здружението на професионални судии вчера им се извини на оштетените клубови за грешките, кои беа дефинирани како „човечки“.
