За прв пат по 8 ноември минатата година, Милан не примил гол на официјални натпревари.
Актуелниот шампион ја сочува мрежата против Торино (1:0) и ја забележа само втората победа во 2023 година – единствен стрелец на „Сан Сиро“ беше Оливие Жиру во 62. минута на центаршутот на Тео Ернандез.
Новата формација на Стефано Пиоли со тројца играчи во последната линија – која ја лансираше во градското дерби пред пет дена, даде резултат вечерва, иако „росонерите“ долго време практично беа безопасни.
