Што им приреди Енди Мареј на љубителите на тенисот на мечот против Танасис Кокинакис, ќе се раскажува со години. Австралискиот тенисер имаше 2:0 во сетови и брејк на стартот од третиот, а потоа еден поен од неверојатниот Шкот смени сè за конечни 3:2 (4:6, 6:7, 7:6 , 6:3, 7:5). И сето тоа со вештачки колк!
Арената Маргарет Корт беше сведок на неверојатен натпревар кој се закануваше да го собори рекордот и да стане најдолг во историјата.
Иако рекордот не беше соборен, мечот ќе остане запаметен по еден поен во третиот гем од третиот сет. Кокинакис имаше шанса да го потврди брејкот и да дојде на три гема до победата, но не успеа да ја пробие одбраната на еден од најголемите тенисери во историјата на оваа игра.
Мареј возврати неколку смечеви, од кои најмалку половина цел стадион му виде зад грб, а со последниот успеа да го принуди Кокинакис да ја погоди мрежата.
По овој поен, Кокинакис бесно го скрши рекетот, Мареј целосно се врати во мечот, ги освои следните два сета и прв стигна до брејк во решавачкиот петти.
Потоа, во 10. гем, Кокинакис дојде на два поени до победа бидејќи имаше 15:30 при водство од 5:4, но Мареј се врати и израмни по мали проблеми при првиот сервис.
Британецот имаше четири брејк топки во следниот гем и ја искористи последната. По пет часа и 42 минути сервираше за мечот. Три минути му требаа да ја добие решавачката партија, а точно три минути овој меч траеше пократко од антологискиот меѓу Новак и Надал во финалето во 2012 година.
Ова беше 11-ти пат во кариерата на фантастичниот Шкотланѓанец да врти од 0:2 на 3:2.
Последен пат во третото коло на Австралија опен беше во 2017 година, кога успеа да стигне до коло понатаму. Потоа во осминафиналето беше сопрен од Миша Зверев за кого таа победа беше најзначајна во кариерата и единствена извојувана против актуелниот број 1.
Негов следен противник ќе биде Роберто Баутиста Агут.
