Мајката на еден од гостите на „Фристајлер“ на новогодишната ноќ, кога потона познатиот белградски сплав, еден ден подоцна околу пладне дошла да ги бара работите на нејзиниот син, кои тој ги оставил додека бегал од водата.
-Син ми излезе меѓу првите. Го видел дека келнерот избезумено трча, не се ни свртел да види што се случува, само побегнал. Ми рече дека биле како сардини, збиени, не можеле ни да дишат, вели жената.
Според зборовите на синот, во задниот дел, каде што се ВИП кабините, имало најмногу луѓе, пишува Блиц.
– Каде може да се вклопат 15, ставиле барем двојно. Имаше многу странци и девојчиња од 16, 17 години – ја продолжува приказната.
Како што вели, синот излетал и и се јавил да дојде да го земе околу 2 часот по полноќ.
– Ми кажа дека сплавот тоне, се преплашив! Добро е што ја извади главата жива, некои се враќаа да земат работи, он не можеше. Сега дојдов да ја земам јакната, но таа останала внатре.
Скоро идентична приказна има и млад човек кој бил на „Фристајлер“ кога почнал да тоне.
– Никој не знаеше што се случува. Тоа беше прашање на секунди. Видов двајца како трчаат надвор, на другарите им реков да трчаме. На подот насекаде имаше чаши, девојките се соблекоа и трчаа боси. Водата полека надојде, во еден момент последната група луѓе веќе беше до колена. Луѓето излегоа мокри и исечени – сведочи тој.
– Дадовме многу пари за забавата што пропадна, но добро е што спасивме животи! Ни недостигаат документи, пари, другарка ми ја остави целата чанта на маса, без јакни сме, а верувајте многу пари дадовме – вели тој.
Според огласот за дочекот на Новата 2023 година во овој клуб каде настапувал пеачот Релја Поповиќ, цената на билетот се движела од 27 до 40 евра и до неверојатни 1.000 евра, што била доплата за таканаречениот „штанд на Фристајлер“ со 6. премиум шишиња пијалоци по избор.
И други бројни гости од синоќа, меѓу кои и многу странци, кои утрово дојдоа пред сплавот во потрага по својата гардероба и документи, велат дека внатре имало гужва, што, како што велат, „не можело да се дише“.
