Претседателот на ВМРО-ДПМНЕ проф. д-р Христијан Мицкоски денеска оствари средба со Амбасадорот на Република Чешка во Македонија, Јарослав Лудва.
На средбата соговорниците разговараа за актуелната политичка, економска состојба, како и евроинтегративниот процес на земјава.
Претседателот Мицкоски потенцираше дека власта многу тешко се справува со економската и енергетската криза, а сето тоа лошо влијае на животниот стандард на граѓаните.
Воедно, Мицкоски истакна дека покрај економската и политичка криза, владата ја турка државата и во нова политичка криза, нагласувајќи дека единствен излез од ваквата катастрофална состојба се одржување на предвремени парламентарни избори од кои бега Ковачевски и СДСМ, поради слабиот рејтинг, неработењето и немањето капацитет да обезбедат иднина за граѓаните.
Мицкоски го информираше Лудва дека ВМРО-ДПМНЕ смета дека европските интеграции треба да бидат според Копенхашките критериуми, а не според условување за историјата од страна на соседна Бугарија.
