Го истепале па му го земале такси возилото

На 03.07.2022 во Полициската станица Кратово, М.С. од с.Филиповци, кратовско, пријавил дека пред неговата куќа дошло лице со повреди од физички напад. Полициски службеници излегле на местото и било утврдено дека се работи за Г.З.(49) од Куманово. Во службен разговор со полициските службеници тој пријавил дека бил повикан со неговото такси возило да превезе неколку лица од с.Вакв до Куманово, кои физички го нападнале и му го одзеле возилото „фолксваген пасат“ и мобилниот телефон. Се преземаат мерки за расчистување на случајот.