Македонскиот репрезентативен ракометен голман Никола Митревски се најде во изборот за најдобар чувар на мержата сезонава во Лигата на шампионите. Интернационалецот Митревски со успех го бранеше голот на Порто, по што стигна признанието да биде вброен меѓу најсериозните кандидати за прв голман во елитното клупско натпреварување.
-Им благодарам на соиграчите, стручниот штаб и навивчите што ми помогнаа да бидам номиниран меѓу најдобрите, изјави Митревски.
Во конкуренција за најдобар голман , покрај Митревски, номинирани се: Никлас Ландин (Кил), Бенјамин Буриќ (Фленсбург), Андреас Волф (Кјелце), Гонзало Перез де Варгас (Барселона) и Родриго Коралес (Веспрем).
