Ефикасно попладне на терените во Премиер лигата. На пет натпревари беа постигнати 17 голови. Убедливо победи забележаа Челси, Астон Вила и Бретнфрод.
Челси, во вториот дел на гостувањето кај Брнли, имаа фуриозни осум минути, постигнаа три гола и ја обезбедија победата. Рис Џејмс ја отвори серијата во 47.минута, а потоа Каи Хаверц постигна два гола до 55.минута. Конечниот резултат го постави Пулишиќ.
Филипе Кутињо потсети на своите најдобри изданија. Бразилецот ја предводеше Астон Вила до победата 4:0 над Саутемптон. Кутињо забележа аситенција и постигна гол во 52.минута. Претходно два гола постигнаа Воткинс и Даглас Луис, а серијата ја затвори Ингс.
Њукасл против Брајтон ја продолжија успешната серија. „Страчките“ победија со 2:љ, со головите кои во 12. и 14.минута ги постигнаа Фрејзер и Шер. Данк намали во вториот дел, а потоа победата на Њукасл ја одбрани голманот Дубравка.
Брентфорд до хет-трикот на Тони, победија во Норич со 3:1. Гостинска победа, кај Вулверхемптон забележа Кристал Палас. Головите во победата 2:0 ги постигнаа Матета и Заха.
Лидс јунајтед ја продолжија серијата на лоши резултати во Премиер лигата. Со новиот тренер. Џеси Марш, Лидс доживеа минимален пораз од Лестер.
Лидс не ги искористи своите шанси на „Кинг Пауер“, една чиста во првото полувреме и две во вториот дел. Откако Каспер Шмајхел го одбрани својот гол, победата на Лестер му ја обезбеди Харви Барнс во 67.минута.
