Еден од најопасните сериски убијци во Англија до крајот на животот ќе остане во подземна самица, направена од стакло отпорно на куршуми, откако му беше одбиена жалбата да живее со други затвореници.
Станува збор за Роберт Модсли (68), кој се наоѓа во изолирана подземна ќелија под затворот Вејкфилд, поради убиство на четворица мажи во периодот од 1974 до 1978 година, пишува „Дејли мејл“. Раководителите на затворот процениле дека е премногу опасно да се мешаат со други затвореници и чувари во казнено-поправниот дом во Западен Јоркшир, објави „Дејли стар“.
Инсајдер изјави за весникот дека на Модсли минатиот месец му било кажано дека е одлучено да се одбие неговата жалба, бидејќи сака да го помине Божиќ во друштво на луѓе.
Модсли ќе го помине остатокот од својот живот во ќелија со димензии 5,5 x 4,5 метри, изградена специјално за него во 1983 година и направена од стакло отпорно на куршуми. Тој поминува 23 часа на ден во ќелија, спие на бетон и користи тоалети и мијалници кои се зацементирани на подот. Има маса и стол од иверица.
Првото убиство го извршил во 1974 година, кога имал 21 година.
Тој го убил Џон Фарел во Платон Грин во Лондон, откако овој му покажал фотографии од деца кои сексуално ги злоставувал. Тој се предаде на полицијата и беше прогласен за несоодветен за судење, а беше испратен во болницата Бродмур, дом на некои од најнасилните британски затвореници.
Модсли генерално остана без проблеми во првите неколку години зад решетки, пред тој и друг затвореник Дејвид Чизман да се затворат во ќелија со насилникот Дејвид Френсис во 1977 година.
Тие го измачуваа Френсис до смрт пред да го закачат неговото тело за да го видат затворските чувари. Модсли беше осуден за убиство од небрежност и испратен во затворот Вејкфилд.
Во 1978 година, Модсли го задавил и го избодел Сални Дарвуд (46), кој бил затворен за убиство на неговата сопруга. Тој го скрил телото на Дарвуд под креветот пред да влезе во ќелијата на педофилот Бил Робертс (56), кој сексуално злоставувал девојче од седум години.Тој го избодел Робертс, му го пробил черепот со импровизирана кама и му ја удрил главата од ѕид.
Подоцна беше осуден на доживотен затвор со препорака никогаш да не биде ослободен.
Во 2000 година, тој ги молеше судовите да му дозволат да умре, пишувајќи во писмо: „Каква цел служи ако ме држат затворен 23 часа на ден?
