Барди доби шанса да ги игра последните 13 минути од мечот, па во 91-та даде гол, трет за Леванте, кој го запиша десетиот пораз сезонава и остана единствен без триумф засега во шпанската елита по 18 кола, закован на дното на табелата, а на тимот во кој игра македонскиот репрезентативен фудбалер за врска не му беа доволни ни два гола предност за да дојде до прва победа.
Heureusement que Levante a Bardhi… #LevanteValencia pic.twitter.com/qogIBVcuOs
— Le Football en VOD LVII (@Football_lvii) December 20, 2021
За три минути, Хосе Кампања и Роџер Марти дадоа два гола за огромни 2-0 на Леванте во периодот од 21-та до 24-та минута, но Валенсија успеа на крилата на својот напаѓачки тандем Гонзало Гуедеш-Карлос Солер да направи комплетен пресврт и да дојде до победа. Двоецот даде по два гола, а почна со гол на Гуедеш минута пред полувремето, па продолжи со гол на Солер од пенал пет минути во вториот дел, за Гуедеш да му асистира на Солер во 70-та за прво водство на Валенсија, а потоа Португалецот да даде гол во 85-та за да ја потврди победата.
Барди погоди во првата минута од судиското надополнување за да го ублажи поразот, но немаше време за да се спаси Леванте од пораз, па остана на осум бода, додека Валенсија со 28 дојде на седмото место на табелата.
