Во вториот меч од „зелената група“ на завршниот тениски АТП турнир кој се одржува во италијанскиот град Торино, првиот свњетски рекет Новак Ѓоковиќ го совлада Русинот Андреј Рубљов (6:3, 6:2) во нивниот прв меѓусебен дуел. Ова е 40. победа за Ѓоковиќ на АТП завршните турнири и 10-то полуфинале.
Овој триумф српскиот тенисер Ѓоковиќ го обезбеди првото прво место во „зелената група“ и пласманот во полуфиналето на завршниот годинашен мастерс турнир. Младиот Русин не се снајде најдобро во својата прва пресметка со најдоброт тенисер во светот. Ова не беше негов ден, иако ги шокираше сите уште на самиот почеток кога освои брејк. Тогаш можеби се чинеше дека ќе гледаме неизвесен меч, но Ѓоковиќ ја презеде играта во свои раце и ја заврши победниќчки.
Во истата група Стефанос Циципас одлучи да се повлече од турнирот поради повреда која ја влечеше од Париз, а на негово место ќе биде Камерон Нори кој ќе дебитира против Норвежанецот Каспер Руд.
✅ 10th semi-final at the #NittoATPFinals
The numbers keep getting better for @DjokerNole ???? pic.twitter.com/ZB91Op2uqi
— ATP Tour (@atptour) November 17, 2021
Ноле во претпоследната пречка на патот до трофејот ќе игра против второпласираниот од „црвената група“ каде што моментно Данил Медведев води со два поени, пред Јаник Синер и Александар Зверев кои имаат по еден, а Хуберт Хуркач е без бодови.
