Тејлор Свифт им се заблагодари на своите фанови што ја инспирирале да ја преработи и да ја врати својата уметност.
Хитмејкерката во петокот на полноќ ја објави повторно снимената верзија на нејзиниот хит албум од 2012 година, Red, и нагласи дека новата верзија не би било можна доколку не ја охрабреле нејзините фанови.
Таа напиша на социјалните мрежи: „Само пријателски потсетник дека никогаш не би помислила дека е можно да се вратам назад и да ја преработам мојата претходна работа, откривајќи изгубена уметност и заборавени скапоцени камења на патот, ако не ме охрабревте.“
„Red повторно ќе биде мој, отсекогаш бил наш. Вечерва почнуваме повторно. Red (мојата верзија) излезе сега“.
Добитничката на Греми повторно ги снима своите рани албуми откако „Скутер Браун“ ја купи нејзината поранешна издавачка куќа Big Machine Label Group за 300 милиони долари, и со тоа ги стекна правата на нејзиниот каталог.
„Скутер холдингс“ потоа го продаде каталогот на Shamrock Holdings без да ѝ понуди на Тејлор шанса да ги купи своите мастерси.
Оригиналниот албум има 16 нумери, а ‘Red (верзија на Тејлор)’ има 30 епски песни.
