Во возбудлив натпревар со пет постигнати голови и голем број нереализирани шанси, можеби и реми ќе биде најреален исход, но во никој случај победата на „лацијалите“ не е незаслужена.
Тимот на Маурицио Сари креираше две опасни акции во првото полувреме и погоди два пати. Прво за 1-0 реализираше Сергеј Милинковиќ-Савиќ со глава по одличното проигрување од Фелипе Андерсон во 10.минута. Потоа во противнапад, Чиро Имобиле му асистираше на Педро за 2-0 во 19.минута.
Во финишот на првото полувреме Роџер Ибањез со глава погоди за 2-1. Фелипе Андерсон стрелаше за Лацио во 63.минута, а конечните 3-2 ги постави Жордан Верету од пенал во 69.минута што го изнуди Николо Заниоло.