„Секоја жена и девојка мора да биде сигурна и заштитена. Ниедна жена и девојка несмее да трпи родово базирано насилство, ниту во домот ниту надвор од него. Во време на ваква сериозна здравствена криза од коронавирусот со која се соочува целиот свет, сите сме свесни дека нашите граѓани и граѓанки се секојдневно под голем психолошки притисок од неизвесноста на самиот вирус и од нарушеноста на нивното секојдневие, но тоа не смее да преставува причина за пораст на домашното насилство и било какво друго непосакувано однесување врз жените и девојчињата. Институциите се тука за секој граѓанин, без разлика на полот, работиме на подобрување на капацитетите и нанивнат ефикасност.“ порача во своето обраќање премиерот Зоран Заев, на трибината „Молкот не е решение“ во организација на Форумот на жени на СДСМ, а посветена на активизмот против семејното насилство и насилството врз жените.
Во овој контекст Заев најави усогласување на законската регулатива, продолжување на политиките за праведно општество, но и со воведување едукативни часови во училиштата.
„Од наредната учебна година започнува пилот проектот за воведување на сеопфатно сексуално образование, ова треба да опфати поголем аспкет на едукација на младите уште од најрана возраст за препознавање на сексуалното насилство, непосакуваното однесување врз девојчињата и жените и родовата дискриминација. Пред нас план за усогласување на останатата законска регулатива со Законот за спречување и заштита од насилство врз жените и семејното насилство. Нов Закон за вознемирување на работното место (мобинг). Нови законски решенија кои ќе ги земе најдобрите пракси во земјите од Нулта толеранција кон сите форми на дискриминација врз жените. Родовата еднаквост и во следниот период ќе биде наш висок приоритет. Продолжуваме со политики за градење праведно општество во кое сите граѓани, без разлика на полот, ќе ги уживаат подеднакво своите права и ќе имаат еднакви можности во сите области на општественото живеење.“- говореше премиерот Зоран Заев, дополнувајќи дека родовата еднаковст е базично човеково право.
