Земјотресот со јачина од 5 степени според Рихтеровата скала кој беше регистриран околу 4:54 часот во епицентралното подрачје Тетово – Гостивар утринава ги вознемири граѓаните. Пејачката Тамара Тодевска во интервју за порталот „Nova.rs“ го раскажа нејзиното искуство…
„Епицентарот беше многу силен, се чувствуаше како да е во Скопје. Планината е на еден час од нас. Само што се слушнав со пријатели кои живеат таму и велат дека имале чувство дека куќите ќе пропаднат“, изјави Тодевска.
Тамара раскажува дека за време на земјотресот била во нејзиниот дом, со нејзиниот син, кој како да го предвидел земјотресот.
„Син ми ме разбуди дваесетина секунди порано. Не знам што му се случи, само почна да вика: „Мамо, мамо“. Го зедов кај мене и набргу потоа се случи земјотресот. Се почувствува, но не траеше долго. Имам траума и проблеми од претходни вакви настани, па затоа не ми беше сеедно“, рече Тамара.
Пејачката во краткото интервју додаде дека поради ситуацијата со коронавирусот, не работи подолг период, па затоа времето најмногу го поминува дома со семејството, со сите мерки на претпазливост.
„Добри сме. Не излегуваме многу од дома. Хана оди во градинка, Дарен не. Искрено, јас не работам. Нас пејачите нè заборавија и дека постоиме. Ситуацијата не е баш најдобра, но како за сите, така и за нас. Ги почитуваме мерките, носиме маски и не ги симнуваме ни во автомобилот. Држиме дистанца, се бориме да помине што е можно побрзо. Мислам дека луѓето сè уште не ја разбираат сериозноста на целата ситуација“, заклучи Тодевска.
