Спротивно на искуството на Македонија, земја чиј здравствен систем е пред колапс и секој ден од ковид-19 умираат меѓу 20 и 30 луѓе, во Белгија сите лекари и сестри кои се позитивни, но се асимптоматски, продолжуваат со работа, со посебни заштитни протоколи – целта е болниците да го издржат притисокот.
Лекарите во белгискиот град Лиж кон крајот на минатиот месец беа замолени да продолжат со работа дури и ако се заразени со коронавирусот, ако нивната здравствена кондиција го дозволува тоа. Околу една четвртина од медицинскиот персонал е заразен со ковид-19. Но, 10 белгиски болници ги замолија заразените лекари и сестри без симптоми да продолжат да работат.
Шефот на белгиската Асоцијација на здравствените синдикати, Филип Девос, изјави за светските медиуми дека нема друг избор, ако се сака да се спречи здравствениот систем да колабира за неколку дена. Првиот белгиски синдикалец во здравството им објасни на новинарите дека медицинскиот персонал кој е позитивен на ковид-19 ќе третира само пациенти заразени со оваа болест, заразените но асимптоматски сестри и лекари нема да смеат да ги симнуваат маските за време на смените и ќе мора да ручаат во посебни соби. „Ние знаеме дека ова е лоша одлука, но секоја друга одлука би била уште полоша“, изјави тој.
Така е во Белгија. А како е кај нас?
Целата сторија погледнете ја на плусинфо.мк
