Најважни моменти досега од претседателските избори во САД:
Во Њујорк 1,1 милиони луѓе веќе гласаа. Нема информации за протести.
Во Тексас се формираат невидени досега редици пред избирачките места.
Најновите бројки покажуваат дека рекорден број од над 102 милиони Американци гласале однапред.
Американските новинари ги прашаа Трамп и Бајден како се чувствуваат денеска. „- Добро”, одговори Бајден. „- Многу добро”, нагласи Трамп.
Њујорк Дејли Њуз ги објави првите случаи на гласање на „мртви души”. Изборната комисија доби пополнети гласачки ливчиња од предвременото гласање на најмалку два такви случаја.
Жителите на мал град на источниот брег во државата Њу Хемпшир први гласаа, каде што резултатите станаа познати 2 часа подоцна – мнозинството гласаше за Бајден. Последно ќе гласа на Хаваи.
Од утрото, околу Белата куќа се поставени привремени метални конструкции и бетонски блокади за да се спречат можни немири. Оградите ќе бидат тргнати на 8 ноември.
Бајден и неговата сопруга отидоа во црква рано наутро, а потоа го посетија гробот на нивниот најстар син, кој почина во 2015 година.
Доналд Трамп е во Белата куќа, односно неговиот штаб во Eisenhower Executive Office Building.Близу западното крило на Белата куќа. По изборите, тој поканува 250 луѓе на прием. Тој објави видео на социјалните мрежи во кое им објасни на Американците зошто треба да гласаат за него – затоа што тој ја става Америка на прво место, а не на „лудите демократи”. Малку подоцна, тој го објави второто видео, во кое тој повика на глас „за мирен живот”.
И двајцата кандидати гласаа однапред.
Поранешниот претседател Бил Клинтон, заедно со неговата сопруга Хилари, која не успеа да го победи Трамп пред четири години, излегоа на гласање и рекоа дека гласале за Бајден.
Синот на Трамп објави прогноза на социјалните мрежи во која тој тврди целосна победа за сегашниот претседател.
Во Небраска, властите пријавија анонимни повици до гласачите кои ги повикуваа да останат дома затоа што не е безбедно да излезат надвор да гласаат. Властите повикаа на ваквите повици да се игнорираат.
Според американските медиуми, Џо Бајден потрошил повеќе од 638 милиони долари во предизборната кампања, а Трамп – 472 милиони долари.
Букмејкери прифатиле облог од пет милиони долари на победа на Трамп на претседателските избори, за кои се верува дека е најголемиот политички облог во историјата. Поранешен банкар користел приватни обложувачници регистрирани на карипскиот остров Курасао за облог од 37/20 – што значи дека би можел да освои 15 милиони долари доколку Трамп биде избран за втор претседателски мандат.
