Италија од утре воведува задолжително тестирање на Ковид-19 за луѓе кои доаѓаат од Париз и некои други области во Франција, изјави денеска италијанскиот министер за здравство Роберто Сперанца.
– Европските податоци се загрижувачки. Италија е подобра од другите земји, но мора да бидеме внимателни, напиша Сперанца на својот налог на Твитер.
Според портпаролот на италијанското Министерство за здравство, новото тестирање ќе започне од утре.
Француските власти вчера регистрираа нови 10.569 случаи на заразени со новиот коронавирус, нешто помалку од претходниот ден кога беше забележан рекорден број од 13.498 новоинфицирани лица.
