Кавадарчанецот Пепи Тодорчев, кој со семејството долги наназад живееше во Чикаго, САД, пред два дена починал од корона вирус, а негови пријатели започнаа донаторска акција, со цел финансиски да се помогне на неговите најблиски, oбјави Фокус.
Тодорчев (58) зад себе ја остави сопругата и три деца. Негови блиски од Кавадарци за ,,Фокус” откриваат дека и сопругата, како и едно од децата исто така се позитивни на вирусот. Собраните средства ќе и помогнат на фамилијата на Пепи да ги покрие погребалните трошоци, медицински трошоци, кирија, храна и месечни сметки, бидејќи тој беше единствениот вработен во семејството.
До денес, собрани се над 40.000 долари, а крајна цел на донаторската акција е сумата од 75.000 долари. Сите кои се во можност да донираат и да помогнат на семејството Тодорчеви, тоа можат да го сторат на следниот линк:
https://www.gofundme.com/f/in-loving-memory-of-pepi-todorcev?utm_source=facebook&fbclid=IwAR2Z12RatOMSvIoO6od_4Mss5w_hPzMd2TdaCbqgR0t94qSXDkXt8faGTfk
