На 04.03.2020 во 17.10 часот на регионалниот пат од с.Крупиште кон Пробиштип, во близина на с.Неокази, пробиштипско, М.А.(69) од Пробиштип, управувајќи патничко возило „опел корса“ со штипски регистарски ознаки, изгубил контрола и излетал од патот. Во незгодата, М.А. се здобил со тешки телесни повреди и бил пренесен во Јавната здравствена установа Пробиштип за укажување лекарска помош. Увид на местото извршила увидна екипа од Одделението за внатрешни работи Пробиштип.