Обвинителката Ивана Трајчевска на денешното рочиште за случајот „Рекет” презентираше што се обвинителството одземало при претресот во домот на обвинетиот Бојан Јовановски.
Перници „Зебрано“, лустер, огледало, телевизор со заоблен екран, уметнички слики од Мартиновски и Личеновски, гарнитура, ламба се предметите одземени од домот на Бојан Јовановски.
-Одземени се 15 капути, па 9 капути, 30 тренерки, 55 пара кондури, 14 пара чизми, 30 пара патики, 15 капи, 50 пара наочари, 77 пара панталони, украс сваровски, дестици чанти, накит, марами, ремени, часовници, од кои три од марката „ролекс”.. презентираше обвинителката.
Боки 13 побара од судот сите овие докази да бодат донесени во судница и да бидат презентирани,но судијката тоа не го дозволи.
-Да се донесе едно по едно парче во судница. Оставен сум без парче гардероба и тоа е преседан, рече Јовановски.
Освен гардеробата, од неговиот дом биле одземени и фактури и фискални сметки за купената облека, како и круна.
