Штабот за заштита и спасување на ЈП Комунална хигиена- Скопје денеска упати повик до сите вработени во Претпријатието коишто со свои донации во вид на парични средства или материјална хуманитарна помош (храна, облека, хигиенски средства и сл.) сакаат да им помогнат на жителите на градовите од соседна Р.Албанија што вчера беа погодени од катастрофалниот земјотрес.
Пунктот за помош во ЈП Комунална хигиена-Скопје ќе биде отворен до 14 часот во сабота – 30 ноември, кога и собраната помош преку Црвениот крст на Р. Северна Македонија ќе биде транспортирана за Р.Албанија. Со свои донации може да се приклучат и сите останати граѓани.
