Романскиот претседател Јоханис доби нов мандат

Претседателот на Романија, Клаус Јоханис убедливо победи во вториот круг од претседателските избори во земјата денес, според излезната анкета.
Конзервативецот Јоханис освои 66,5 проценти од гласовите, наспроти поранешната премиерка и лидерка на социјалдемократите, Вјорика Данчила, со 33,5 проценти, според анкетата на ИРЕС.
Во првиот круг на изборите пред две недели, Јоханис освои 37,8 проценти од гласовите, а Данчила 22,2 проценти.
Официјалните првични резултати се очекуваат подоцна вечерва.
Јоханис вети дека ќе продолжи да се бори против корупцијата и да го јакне владеењето на правото.