Агентот на Ромелу Лукаку потврди дека Интер и Манчестер Јунајтед преговараат за трансфер. Но, според Федерико Пасторело, договорот нема да биде лесен, ако воопшто и дојде до таков.
– Лукаку сонува за Интер, но тој е од оние соништа кои се тешки за исполнување. Но, верувам дека нема невозможни работи. Ромелу веќе ја изрази својата желба. Ќе видиме што ќе се случи, изјави агентот.
Пасторело исто така призна дека има шанса „нероазурите” да се договорат и со Херта (Берлин) за десниот халф-бек, Валентино Лазаро.
– Се уште има разминување меѓу страните во овој договор, рече агентот.
