Специјалната јавна обвинителка Катица Јанева очекува дека Законот за јавно обвинителство со кој се решава судбината на СЈО, ќе се донесе наскоро односно не очекува големи проблеми.
Таа го коментираше и тоа што еден од преговарачите во тимот на ВМРО-ДПМНЕ е Антонио Милошоски, кој е еден од осомничените, посочувајќи дека не може да преговара такво лице и да дава квалификации и за СЈО и за неа како личност.
– Многу се занесува во своите изјави – рече Јанева.
Таа рече дека СЈО во овој период додека траат преговорите нема да поднесува обвинение затоа што се уште на сила е и можноста Врховниот суд да ги стопира.