Австрискиот министер за внатрешни работи Херберт Кикл денеска објави дека е покрената иницијатива за формирање трибунал за борците на терористичката Исламска држава во подрачјето околу бојното поле.
„Тоа е поефикасно отколку судската постапки да се води во Австрија”, изјави Кикл пред новинарите пред тековната седница на австриската влада.
Тој рече дека го испратил писмото до Европската комисија и додаде дека ќе го координира ова прашање со австриската министерка за надворешни работи, Карин Кнајсел.
Како пример, Кикл ги наведе претходните трибунали за Руанда и поранешна Југославија.
Слично на тоа, посети тој, предложи поранешната обвинителка на Хашкиот трибунал, Карла дел Понте и додаде дека во реализацијата на оваа иницијатива би била пожелна соработка со ОН.
