Владата денеска на седница ја разгледала Информацијата за изградба на пруга Куманово-Бељаковце и донела заклучок со кој се најавува дека ќе го преиспита Договорот за проектната единица за имплементација на проектот.
Како што информира владината прес-служба, Владата ќе направи предлог за да се измени обликот на проектот со цел поефикасно спроведување на договорот имајќи ги предвид значителните доцнења и нефункционалноста на проектната единица.
