По кратко, но тешко боледување, синоќа во Велика Британија, на 66-годишна возраст почина еден од најквалитетните и најплодни македонски драмски автори, Горан Стефановски.
Последните години од својот живот ги помина во Велика Британија, во близина на Лондон, од каде што вечерва стаса и веста за неговата смрт.
Весна Бејби со емотивна порака и голема тага се прости од драматургот Горан Стефановски.
– Најдобрите луѓе живеат засекогаш како инспирација. Секогаш се памтат нивните зборови. Почивај во мир Горан Стефановски, напиша Калиопи.
Драган Спасов Дац, ги сподели најубавите спомени со него.
Стефановски е роден во Битола во 1952 година, завршил Филолошки факултет во Скопје, на катедрата по англиски јазик и книжевност. Студирал драматургија на театарската академија на Универзитетот во Белград каде што и магистрирал на тема „Сценските напатствија како основа на драматургијата на Семјуел Бекет“. Работел во драмската редакција на Телевизија Скопје, а потоа како асистент на скопскиот Филолошки факултет. Од 1986 година бил професор по драматургија на Факултетот за драмска уметност во Скопје.
Со појавата на Стефановски современата македонска драма доживува голем успех, особено со неговите драми „Јане Задрогаз“, „ Диво месо “, „Лет во место“, „Хај-фај“, „Дупло дно“, „Тетовирани души“, „Демонот од Дебар маало“. Стефановски е автор на телевизиските драми „Клинч“, „Сослушувањето на железничарот“ и на ТВ сериите „Тумба, тумба дивина“, „Бушавата азбука“.
Тој е добитник е на наградите „Стале Попов“, „11 Октомври“, „Стериина награда“, „Војдан Чернодрински“.
Горан Стефановски е брат на гитаристот Влатко Стефановски. Тој престојуваше во Велика Британија, во местото Кентбери, од каде вечерва стигна лошата вест за неговата смрт.
